Hâ’iz oldukları selâhiyetler mîcibince hareket eden zîrde vaz’în-i imzâ (aşağıda imzası olanların), mübâdele-i ahâlî hakkında 30 Kânûn-ı sânî 1923 târîhinde Lozan’da imzâ olunan mükâvelenâme ahkâmıyla istihdâf edilmiş (hedeflenmiş) olan ve 18. Teşrîn-i sânî 1912 tarihinden mukaddem (önce), Girid Adası da dâhil olduğu halde, Yunanistan’ı terk etmiş veyâhûd mine’i-kadîm (eskiden) Yunanistan hâricinde bulunmuş olan eşhâs-ı Müslimenin hukûk-ı mülkiyetlerine hiçbir halel îrâs edilmeyeceğini, Yunanistan hükûmeti nâmına beyân ederler. Eşhâs-ı mezküre emlâklerine serbestçe tasarruf etmek hakkını muhâfaza edeceklerdir.
Bu Müslümânların emvâli hakkında sûret-i istisnâ’iyede ittihâz veyâ tatbîk edilmiş olan ahkâm ve tedâbir ref’edilecektir. İşbu emvâlin veridâtı (gelirleri) şimdiye kadar i’âde edilmeksizin veyâhûd hükûmetle alâkadârân beyninde (arasında) i’tilâfât-ı mahsusâya (özel uyuşmalara) mevzu’teşkîl etmeksizin Yunanistan Hükûmet veyâ me’mûrîni tarafından ahz ve kabz edilmiş olduğu takdîrde vâridât-ı mezkûre ashâb-ı emlâte’allik (bahsi geçen gelirlerle ilgili) bi’l-cümle metâlib (istekler) ile eşhâs-ı mezkûrenin, sûret-i umûmiye de müttehaz tedâbirin (genel olarak alınan tedbirlerin) gayrı-ı müsâvi (eşit olmayan) bir sûretde tatbîkinden dolayı hukûklarının haleldâr olduğunu (zarar gördüğünü) iddi’a etmeleri keyfiyetinden münba’is (ileri gelen) bil’-umûm metâlib (bütün talepleri) hakkında mâruz-zikr (zikredilen) mukâvelenâmede münderic (belirtilen) komisyon tarafından karâr i’tâ olunacaktır. Ma’a-hazâ (bununla beraber) metâlib-i mezkûrenin işbu metâlibin bugünkü mümzi (imzalı) mu’âhede-i sulhiyenin mevkî-i mer’iyete vaz’ından (yürürlüğe konulmasından) i’tibâren altı aylık bir müddet zarfında der-meyân edilmiş (ortaya konulmuş) olmaları şartdır. Metâlib-i mebhûsun anhâ mu’âhede-i mezkûrenin mevkî-i mer’iyete vaz’ından i’tibâren nihâyet bir senelik bir müddet zarfında bir karâra rabt olunabilmek (bağlanabilmek) içün komisyon tarafından müsta’cilen (çok acele) tedkik olunacaktır.
Yunanistan hükûmeti, sâlifüz-zikr eşhâsın (zikredilmiş olan şahısların), gaybûbetlerinden nâşî (kaybolmalarından dolayı) mallarına serbestçe hakk-ı tasarrufları husûsunda tahaddüs edebilecek (olunabilek) müşkîlât-ı fi’iliyeyi nazar-ı itibâra alarak bunları arzû eyledikleri takdîrde mülklerini ferâh etmek içün bâlâda mezkûr muhtelit komisyonun vesâtet-i mücâmelekârîsinden (iyi muamelesinden) istifade edebilmelerini kabûl eyler. Şurası mukarrerdir ki, bu takdîrde muhtelit komisyonun müdahâlesi Yunanistan Hükümeti İçün, mevzu-ı bahs olan emlâkın iştirâsı hakkında bir günâ mecbûriyet istilzâm etmeyecek (gerektirmeyecek) ve komisyonun vazîfesi bunların ferâğını teshîle (bir malın sahip olma hakkını başkasına terk etmekte kolaylık sağlamaya) münhasır olacaktır.
Şurası mukarrerdir ki, işbu beyânnâme 18 Teşrîn-i evvel 1912 târîhinden evvel Türkiye’yi terk etmiş olan veyâhûd mine’i-kadîm Türkiye hâricinde ikâmet eylemekde bulunan Rum ashâb-ı emlâki lehinde mu’âmele-i mütekâbile icrâsı şartıyla tanzim olunmuştur.
Lozan’da 24 Temmuz 1923 târihinde tanzîm olunmuşdur.
Kaklamanos Venizelos
